Հարություն Եկմալյան

Ծնվել եմ 1965 թվականին։ Մասնագիտական կրթությունը ստացել եմ Երևանի պետական գեղարվեստա- թատերական ինստիտուտում (Հայաստանի պետական գեղարվեստի ակադեմիա), այն ավարտելով 1983 թվականին։ 1991 թվականին ընդունվել եմ ՀՀ Նկարիչների միություն։ 1991 ից 1999 թվականներին դասավանդել եմ Երևանի ճարտարապետաշինարարական ինստիտուտի Գծանկարի, քանդակի և գունանկարի ամբիոնում։ 1995 ից 1999 թվականներին դասավանդել եմ Երևանի պետական գեղարվեստի ինստիտուտի Կիրառական արվեստի ամբիոնում։ 1999 թվականին ստեղծագործական աշխատանքի եմ հրավիրվել Ֆրանսիա, որտեղ աշխատում և ստեղծագործում եմ մինչ օրս։ 1998 թվականից Ֆրանսիայի "La Maison des artistes" կազմակերպության անդամ։ 2002 թվականից հեղինակային իրավունքների պաշտպանության, SAIF ընկերության անդամ։ 2003 թվականից Ֆրանսիայի քանդակագործների և կերպարվեստագետների ազգային արհմիության անդամ։ 2009 թվականից` նույն կազմակերպության ազգային խորհրդի անդամ, իսկ 2014 ից 2021 թվականները` Գլխավոր Քարտուղար։ Բազմաթիվ ազգային և միջազգային մրցույթների մասնակից և դափնեկիր եմ։ Ստեղծագործություններս գտնվում (կամ տեղադրված) են Հայաստանի, Ֆրանսիայի, Իտալիայի, Իսպանիայի, Կանադայի, Պորտուգալիայի և Բրազիլիայի պետական և անհատական բազմաթիվ հավաքածուներում։