-
-
-
-
-
-
-
-
Ֆրանսիական սպիտակ մարմարից քանդակված այդ ստեղծագործությունը իրագործվել է "Քանդակը քաղաքում" նախագծի շրջանակներում և հեղինակային հավաքածուիս մաս է կազմում։ Քանդակի ստեղծման պատմությունն էլ է հետաքրքիր։ Նյութը, Սեն Բեայի սպիտակ մարմարը, նվիրվել է համանուն քաղաքում գտնվող հանքի ղեկավարության կողմից։ Քանդակը ցուցադրվել է Ֆրանսիայի Վիշի և Օտան քաղաքներում, Սոլյոյի Ֆրանսուա Պեմպոնի թանգարանում։ Այն ներկայացնում է սառցադաշտերում մոլորված հյուծվող մի սպիտակ արջի։ Ոճավորումն ու, գրեթե, պայմանական ծավալային կառուցվածքը հեռու են սպիտակ արջի տարածված փառահեղ պատկերից և նպատակ ունեն կենդանու օրհասական վիճակն ու բնության աղետալի փոփոխությունների ողբերգությունն արտահայտելու։