-
-
-
-
-
-
-
Վենետիկի հռչակավոր տոնահանդեսը միշտ ներշնչել է կերպարվեստագետներին։ Բնականաբար, Վենետիկի հաճախումներից մնացած տպավորություններս ծառայեցին այս քանդակի ստեղծման ժամանակ։ Գոնդոլների սահուն եզրագծերը, գեղարվեստական լուծումների գունագեղ ճոխությունը, արվեստով հագեցած մթնոլորտը նպաստում են ստեղծագործական տրամադրությանը։ Այդ ամենին գումարվեց Վենետիկի մի սիրահարի վենետիկյան քարակերտ մի պատկեր կերտելու ցանկությունը։ Մեծածավալ այս քանդակը կատարված է կապույտ գրանիտի ամբողջական բեկորից։ Գոնդոլի եզրագծերն ու նրբությունը հնարավոր եղավ վերարտադրել ընտրված քարի կարծրության շնորհիվ։ Կարմիր գրանիտը և սպիտակ մարմարը աշխուժացնում և լրացնում են կապույտ գրանիտի ծավալուն զանգվածը։